დასრულებული

1. სადამკვირვებლო მისიის მეშვეობით ადგილობრივი თვითმმართველობის არჩევნების გამჭვირვალობისა და სამართლიანობის ზრდა;

2. მოსალოდნელ რეფორმებში სამოქალაქო საზოგადოების მონაწილეობის გაძლიერება;

3. ახლადარჩეული ადგილობრივი თვითმმართველობების ინსტიტუციური გაძლიერების მხარდაჭერა.

• 2014 წლის ადგილობრივი თვითმმართველობის არჩევნების წინასაარჩევნო პერიოდის გრძელვადიანი მონიტორინგი 73 გრძელვადიანი დამკვირვებლის მეშვეობით;

• ადგილობრივი თვითმმართველობის არჩევნების დღის დაკვირვება ხმების პარალელური დათვლის (PVT) მეთოდოლოგიით 1000-ზე მეტი მოკლევადიანი დამკვირვებლის, 80-მდე მობილური ჯგუფისა და 20 იურისტის მეშვეობით;

• თვითმმართველობის არჩევნების შემდგომი პერიოდის მონიტორინგი;

• არჩევნების შემდგომი დავებისა და გასაჩივრების პროცესის მონიტორინგი „საქართველოს ახალგაზრდა იურისტთა ასოციაციის“ დახმარებით;

• არჩევნების პერიოდის დარღვევებისა და ტენდენციების ასახვა არჩევნების პორტალზე არსებულ ინტერაქტიულ რუკებზე;

• ადგილობრივი თვითმმართველობის, საკონსტიტუციო და საარჩევნო რეფორმების მიმდინარეობაში მონაწილეობა შესაბამის სამუშაო ჯგუფებსა და კომისიებში ჩართულობისა და რეკომენდაციების წარდგენის გზით;

• ახლადარჩეული თვითმმართველობების საქმიანობის მონიტორინგი საკადრო ცვლილებების, ინფორმაციის ხელმისაწვდომობისა და სხდომების საჯაროობის, საბიუჯეტო განხილვებში მოქალაქეთა ჩართულობის კუთხით;

• ადგილობრივ თვითმმართველობებში საჯარო მოხელეთა ატესტაციებისა და კონკურსების პროცესის მონიტორინგი;

• თვითმმართველობის მონიტორინგის შედეგად გამოვლენილი ტენდენციების შეფასება და რეკომენდაციების წარდგენა;

• სამართლიანი არჩევნებისა და დემოკრატიის საერთაშორისო საზოგადოების ორგანიზაციული განვითარების ხელშეწყობა.