პრესრელიზები

„სამართლიანი არჩევნების“ საერთო კრებამ გამგეობის 4 ახალი წევრი აირჩია

შაბათს, 22 მაისს, სამართლიანი არჩევნებისა და დემოკრატიის საერთაშორისო საზოგადოების (ISFED) საერთო კრება გაიმართა, რომელსაც ორგანიზაციის 100-მდე წევრი ესწრებოდა. კრების დელეგატებმა ორგანიზაციის დირექტორისგან მიიღეს ინფორმაცია განხორციელებული და მიმდინარე პროექტებისა შესახებ. 

საერთო კრებამ გამგეობის ახალი წევრები აირჩია. გამგეობას შემოუერთდნენ:

ნინო ჯაფარიძე - Edison Research-ის ვიცე-პრეზიდენტი. მას აქვს საზოგადოებრივი აზრის, ბაზრის და საარჩევნო კვლევის 25 წლიანი გამოცდილება კერძო, საჯარო და არასამთავრობო ორგანიზაციებისთვის. 

მიხეილ ბენიძე -  Zinc Network-ის საქართველოს ინფორმაციული სანდოობის პროგრამის ხელმძღვანელი.

სალომე მუხურაძე - აღმოსავლეთ ევროპის ცენტრი მრავალპარტიული დემოკრატიისთვის (EECMD)-ის პროგრამის უფროსი ოფიცერი დემოკრატიის, პოლიტიკური პარტიებისა და გენდერული თანასწორობის საკითხებზე მუშაობის 10-წლიანი გამოცდილებით. 

გიორგი გულიაშვილი - იურისტი, ტრენერი, საარჩევნო საკითხებზე მუშაობის 15-წლიანი გამოცდილებით. ორგანიზაციის გამგეობის წევრი 2017-2020 წლებში.

 

ISFED-ის წესდების მიხედვით, ორგანიზაციის გამგეობა საერთო კრების მიერ არჩეული 9 წევრისგან შედგება.

 

„სამართლიანი არჩევნები“ გამგეობის ახალ წევრებს წარმატებულ საქმიანობას უსურვებს.